ايها الساده الانطاع
اوسخ مسا
بصفتى ناشط سياسى و انسانى و حقوقى وصايع قديم احب ابلغلكم انى معتصم و بمناسبه الحر نويت اعتصم فى جونينه راسالتين ببحرى عشان ابقى قريب من سيد صواريخ بتاع الفول و الشيخ رفيق بتاع البليله و اذا محققتش مطالبى حاخش فى اعتصام مفتوح وبعد كده حانعلنوا العصيان المدنى و حانقطعوا خط الترام نمره ٤.
اما سبب كل ده فلسه مش عارف ليه.كمان انا خدت راى كل صيع المنطقه وكله وافق ومعايا عنكو و عطاطس و موخه وسيد برشامه وعلى سنجه اخو الشهيد رومه اللى استشهد فى تخشيبه قسم الانفوشى بعد مابلع لفه البانجو اثناء التفتيش واللى كان ممسوك فى قضيه دعاره اطفال.وطبعا كلهم من كبار المناضلين.
وكمان عرفت ان البشمهندز رئيس الوزاره كان زمان موظف اى كلام و كان خايب و مش عارف يمسك المكان اللى كان فيه وعلشان كده رفدوه بس هو طلع ناصح وصاحب الوله ابن ام بتعه االى ربنا فتح عليه وبقى حاجه كبيره اوى و قدر يخدمه و يمسكه البلد.
و نفس ذات الوقت اررت انى اتصل بالعيال بتوع مصر عشان يحجزولى مكان فى التحرير وبالمره اخد شويه العيال ولاد الجيهه يسترزقوا..اللى يسرح بشويه حلبسه واللى بشويه حشيش واللى بعربيه كبده معفنه و يانس يافل الخير للكل.
وطبعا لما حاروح التحرير حاخد معايا لوازم القعده ويمكن ربنا يسهل وامسك وزير بعد العيال ما تتسطل و يشلونى و يهتفوا باسمى.
و طبق الفته لسه مليان ويساع كل الحبايب و يسلام لو تلعب و تيجى اى موزه من بتوع التلفزيون و تاخد رأيى فى احوال البلد و اروح فاقع البوقين بتوع الثوره.
وزغردى ياحلوة.
ليست هناك تعليقات:
إرسال تعليق